الصورة ..

يعود مسروراً منهكاً من عمله ..

يخرج من سيارته فخوراً ..

ينتبه إلى ربطة العنق الحازمة فيفكّها قليلاً ..

يأخذ سلسلة مفاتيحه الفضيّة و بعدما وضع سيارته في مكانها يتّجه إلى منزله ..

يفتح البوّابة مارّاً بالجزء الأخضر الذي تعتني زوجته بريّه يوميّاً ..

قاربت الشمس على الغياب لتعلن حلول الظلام الحبيب ..

يلثـّم ولده المشاكس بعد أن رآه يعبث بالروبوت قرب باب المنزل ..

يدخل و معه الطفل و الروبوت و حاسبه الشخصي و أوراقه معلناً عودته لامبراطوريته الخاصّة ..

تستقبله زوجته العزيزة ليتبادل الحوار بينهم عن انجازات اليوم ..

لو يطول الليل هييجي أكيد نهار بعديه

إوعى تندم "يوم" ..

إوعى تبكي ليالي .. دمعك "غالي" .. إوعى يهون ..



إرضى بالمقسوم ..



ده اللي مكتوب لينا بكرة يجينا "مهما يكون" ..



إنسى جرحك و إنسى الآه .. تبكي ليه ؟! سيبها على الله ..



"لو يطول الليل هييجي أكيد نهار بعديه" ..



مهما كان الحظ قليل .. خلّي صبرك "صبر جميل"



دنيا مش بتدوم و جايلك يوم هتفرح فيه ..!



لو حبيبك راح .. لو يبيع لياليك و يجرح فيك .. و لو هيغيب



ياما لسّه قلوب .. الدفا جوّاها كل مناها تلقى حبيب ..



يعني دوّر بين الناس .. ع الوفا و على الإخلاص .. "ع اللي قلبه شاريك و خوفه عليك يبان في عينيه"



اللي قلبه ما ينسى هواك .. اللي عمره بحاله فداك .. اللي يسكن فيك و يحلم بيك و تحلم بيه ..



تفرح ليالي ... تحزن ليالي !! حتى في دموعك حـِــــب الحيـــاة ..!!

إيه اللي جنب زرار الباور ؟؟

أجمل زرار في الكمبيوتر .. لما برنامج يعملها أو التاسك "مانيجر" يقول "أنا أوفف" .. أكيد مفيش غير حل واحد ..! أقرب حل طبعاً عشان تبدأ تتابع نشاطاتك من تاني على رواقة .. إضغط ريستارت

طبعاً الريستارت ده هيخليك تبدأ حياتك مع الكمبيوتر بتاعك من بعد تنزيل الويندوز .. طبعاً بدون مشاكل بدون متاعب اللهم إلا إذا كان جهازك محتاج ويندوز اصلاً .. الريستارت مفيد جداً لأنه أكيد هيريح الذاكرة المؤقتة و هتبدأ التعامل فيه مع برامج أشيك متهنجش جهازك ..

فكرت قبل كده تعمل ريستارت لحياتك ؟؟ أكيد فكرت لكن عاوز أقولك صعب جداً يمكن مستحيل لأنك عند اللحظة دي هتكون بتفكر تغيّر الويندوز و ده ساعتها هيبقى في غاية الصعوبة .. لأنك لازم تكمل نشاطاتك في أسرع وقت ! مين هيناولك اسطوانة نورتون جوست أو ويندوز و تنزل تعريفات من الأول مع هارد مش مستعد يتفرمت من الأول ؟

طيب الريستارت أكيد هينفع في نشاط معين بتعمله .. في علاقتك مع ربنا .. في علاقتك بصاحبك .. في بيتك .. في شغلك .. و للترتيب مغزى ! معنى كده إنك تحاول تعمل توفيق لنسخة الويندوز بتاعتك مع العالم الخارجي لإنك مش هتغيّرها زي ما قلت عشان إنت مستعجل

التوفيق أو التكيّف مش هييجي من ضغطة زرار .. و التغيير أكيد أوله صعب لكن حاول .. مع كل نقطة بتكسبها بتاخد دافع إبن لذينة عشان تكسب النقطة اللي بعدها .. و كده يتم التغيير

قريب أوي هعمل ريستارت "منهم" عشان إكتشفت إن البرنامج اللي حاولت أشغّله مش ماشي مع النسخة بتاعتي ..! أو بمعنى أصح سحب الرامات على الفاضي .. أو بمعنى أصح كنت بشغّل برنامج مهمّته إنه يملا جهازك تيمبات بدون تحيّز ! آه علمني أتعامل مع التيمبات إزاي و علمني أنضّف جهازي أول بأول .. و علمني أعمل ريستارت ! هو متعب في أوله بس أكيد ريستارت مفيد .. دعواتكم

أنا قلت مرحاض فكري ..!

لوني المفضل : الأحمر

ماركة العربية اللي عاوزها تبقى بتاعتي في يوم من الأيام : فولكس فاجن

رقمي المفضل : 9

شبكة المحمول المفضّلة : فودافون

أكتر حاجة أكرهها : الكذب

اللي بعده : النميمة

أكتر أكلة أحبها : المكرونة بالبشاميل

أكتر مشروب أحبّه : الشاي

مطرب كان نفسك تسمعه من بدري : محمد منير

أكتر كافيه أحبه : اللي عليه أصحاب بحبهم

فاهمين كويس أوي بس زملكاوية للأسف ؟؟ عاصم + محمد (فرج - أشرف)

أكتر آلة وتريّة بحبها : الكمان

أكتر فيلم أجنبي بحبه : The Pursuit of Happ"y"ness

أكتر فيلم أجنبي بهرني : The Usual Suspects

أكتر مطرب بحبه : لؤيّ

أكتر أغنية بحبها : آه يا عيني يا ليل

آخر واحد اتعرّفت عليه و كان نفسك تعرفه من بدري : أحمد توفيق

أكتر شريط له ذكريات معايا : شريط فيروز الأحمر اللي بابا مسجّله في هولندا سنة 1979

أول عربية سوقتها : هيونداي فيرنا

أول واحد عرفت معاه معنى الصداقة : هيثم أحمد

أكتر هواية بحبها : الفيديو مونتاج

بعدها : القراءة

أكتر كليب عملته و حبيته : Better than SUPERMAN

أكتر واحد كرهته من المطربين : تامر زفت

البرج الفلكي : الميزان

أكتر كاتب بحبه : د. أحمد خالد توفيق

أكتر واحد في أصحابك مش واخد حقه صح : أحمد غلوش

أكتر كتاب عجبني : يوتوبيا

الولاعة السخّان وللا الترس ؟؟ الترس

موبينيل وللا اتصالات ؟؟ فودافون

عايز تشتري إيه اليومين دول ؟؟ كاميرا ديجيتال

العاميّة وللا الفصحى ؟؟ الفصحى قطعاً :)

بتحب اللي مش بيفرق بين الـ "ى" و الـ "ي" ؟؟ لا طبعاً

عندك إي-ميل على الياهوو أو الهوت ميل و فيهم تواريخ سنين - 2000 و حاجة مثلا ؟؟؟ الحمد لله الذي عافانا مِمَّ ابتلى به غيرنا

مين أكتر واحد انت فرحان إنك صاحبته من اسكندرية ؟؟ مهند مدحت اللي تليفونه سايلنت

بتحب الأهلي ؟؟ احنا حنهزر ؟؟

عادل إمام ؟؟ كنت بحبه

شخصية كوميكس ؟؟ بات مان

هكمّل بعدين ..

عيد ميلادي ..

بعد نصيحة هشام الخيّاط بكتابة بوست بالعامّية .. يبقى هكتب البوست دي بالعامية ..! الطريقة طبعاً مش المضمون

أعتقد إن فيه كذا سنة من عمري - و أنا صغيّر شوية - خسرتهم بسبب افتقاد "القيمة" دي ..

و أفتكر إن أكتر الناس اللي بحبهم و بحترمهم بيبقى لسبب احترامهم "للقيمة" دي ..

و أكيد الناس اللي هتكمل معايا باقي حياتي قابلتهم أو لسه مقابلتهمش بيقدّروا "القيمة" دي ..

قيمة إن حد يقولك كل سنة و انت طيب .. مش واحد بس لا دول بيبقوا ناس كتير بيحبوك و بتحبهم

قيمة إن حد يسأل عليك لما تتعب و يفضل معاك لحد ما تصحى

قيمة إن يصحّيك من النوم عشان يوريك مفاجأة حلوة لمجرد إنه يشوفك فرحان

قيمة إن حد يقضي معاك وقت حلو أوي على كافيه انت بتحبه و يكلمك في موضوع إنت بتحبه

قيمة إن ناس تجيب سيرتك بالخير في وجودك و غيابك

قيمة إن الناس دي تحل مشاكلك بمجرد ما تفكّر فيها

قيمة إنهم يلاحظوا إن عندك مشكلة أصلاً عشان بان عليك متضايق

قيمة إنك مش هتمشي لوحدك

قيمة إنهم يخلّوا الشغل بتاعك وقت ممتع على عكس الكاريكاتيرات المصرية و مفهومها عن الشغل

قيمة إن دراستك تتحسّر على إنها خلصت عشان مش هتقابلهم تاني

قيمة إنك تحب موبايلك و عربيتك عشان شاركتهم الوقت بيهم

قيمة إنك تسمع أغاني سمعتها معاهم أو و همّا موجودين

قيمة إنك تلاقي لإبداعك معجبين و لتهييسك الزيادة نقّاد

قيمة إنك تفتح باب بيتك , علبة , باب عربيتك أو تقعد على الكافيه المفضّل ليك و تلاقيهم عاملين حاجة عشانك

قيمة إنك تلاقي ناس تقرا الكلام ده كلّه و إنت عارف إنه من مكونات "المرحاض الفكري" اللي انت بنيته

قيمة (((الصداقة)))

اللي يحبّها بحبّه .. و اللي ميقدّرهاش و الله العظيم ما بحبّه

بالمناسبة .. النهاردة يبقى عيد ميلادي .. و ده أكتر عيد ميلاد فرحت فيه بأصحابي و بنفسي .. و بالمناسبة هشام الخياط أول واحد خطر على بالي لمّا بدأت أكتب البوست لأنه أكتر واحد شفته بيتأثر بحالة أصحابه .. و بالمناسبة برده دي أول بوست أكتبها و مراجعهاش .. ماهي بالعاميّة

تنفيذ فكرة عمرها عام ..! ج1

أجلس بالقرب من محطة قطار سخا قرابة منتصف الليل .. و أبحث عن الرابط الذي يجمع بين أبو تريكة البطل , أبو تريكة الموهوب , أبو تريكة المنقذ , أبو تريكة الخلوق ..! بالطبع في شكل جديد يختلف عن كل ما سبق لهذا الرمز ..

أجلس أيضاً في غاية النشوة أتذكّر النجاح الذي - بفضل الله - حققه كليب "الأباطرة" عن مئوية الأهلي و أستجديه الحضور في هذا السيال الفكري المنهمر ..! أدخل البيت .. أفتح كرّاسة عمرها عشر سنوات و أدوّن ما توصلت إليه ألا و هو أن ما أردت رسمه يقترب من شخصيّة الكوميكس "سوبرمان" !! نوبة سخرية تنتابني كادت تفتك بالفكرة و لكنّي قمت بحفظ الأوراق في مكتبتي الصغيرة ..

مر العام !!

أخرج من الصيدلية بعد الثانية عشرة ليلاً لأجلس وحيداً أستمع إلى تراك موسيقي يبعث على هدوء الأعصاب بعد حصولي على الزيادة اليوميّة لكرهي الوقوف في هذا التابوت .. يأتي تليفون من صديقي العزيز "عمرو بابي" ليخبرني منفعلاً أنه إلى جوار أ.نهى و التي هي من المفترض أنها موجودة بفريق الإنتاج بقناة النادي الأهلي .. أتحدث إلى تلك الـ نهى لتخبرني أن مستوى الفيديو كليب الأخير الذي قمت بتصميمه و ماسبقه نال إعجابها و إعجاب طاقم الإنتاج و لذلك فهي في حاجة إلى فيديو ليكون ضمن مراسم إفتتاحيات قناة النادي الأعظم و معشوقي الأول .. المزيد و المزيد عن الحديث عن تلك النقلة الحضارية التي سأعيشها بعد الإنضمام لطاقم العمل بالقناة إن حصل الفيديو على إعجاب الطاقم ..

تطلب تلك الـ نهى أن يكون الفيديو جاهزاً خلال أيام و لم تشترط الموضوع .. و راق لي ذلك كثيراً لأنه لم يحجم أفكاري .. دخلت بيتي مسرعاً أخرج الكرّاسة التي دوّنت بها الخواطر و أبدأ في استشارة أخي ماجد و أخي علاء في مضمون الفكرة لأحصل على خليط يفوق الممتاز و يجعل الفكرة العزيزة أقرب للحظة ولادتها ..

ينتهي الفيديو .. متضمناً الآتي : أن يكون اسمه "أفضل من سوبر مان" و ذلك بعقد مقارنة بسيطة بين معشوقي محمد أبو تريكة و بين سوبر مان بطل دي سي كوميكس لتثبت التشابه بينهم على مدار 8 دقائق ثم تثبت أن أبو تريك’ أفضل منه لأنه بطل من أرض الواقع على عكس هذا السوبرمان بطل الخيال .. مع مزيج من التأثيرات الصوتية و المرئية جعلتني أرضى عنه بشكل كبير .. ليخرج إلى النور بفضل الله

تتسلم الفيديو - تلك الـ نهى - و لم تجب على هاتفها لفترة تبلغ الأسبوعين هرباً .. ليخبرني صديقي العزيز بابي الذي بذل جهود كبيرة في هذا الوصل .. لأعلم أنرأي تلك الـ نهى أن فيديو "أفضل من سوبرمان" هو : دون المستوى !!!!!!!

بعد كليبات متلازمة : (سعد الصغير - عمرو دياب - موفي ميكر - أهداف محفوظة) يصبح هذا العمل الفنّي الرائع - بشهادة الآلاف و لله الحمد - دون المستوى !!! حالة من (الإحباط - التشاؤم - الكبرياء تصحيحاً لما حدث) تنتاب العبد لله لحين حدوث شيء لطيف جداً

انتهى الجزء الأول ..

هيثم أحمد

كتابة مقال عنك سيضع إطار صغير لعلاقة لا توصف .. أكتفي بالصورة

الإسكندرية التي أعرفها ..

مهند مدحت مسلّم حسين .. لن أوفيه حقّه في سطور قليلة و هو يعلم ذلك – و لله الحمد – و يكفي أن أقول أنه الصديق كما يجب أن يكون ..

كافيتيريا المستششفى التعليمي "كاريزما" بكل ما تحمل من صدمات و لحظات جميلة و استعداد و تعارف و شاي و لفافات تبغ و علاقات طيبة و مذاكرة !

مبنى إعدادي صيدلة .. ماكينة البيبسي و ذاك المسنّ صاحبها زائغ العين .. ماكينة النسكافيه و شادي صاحب اللياقة الذهنية العالية .. مدرج 5 و ما به من محاضرات .. د. رفيق الغريب و كشكول المحاضرات الأخضر .. لحظات براءة و لحظات استيعاب و لحظات فارقة في تكوين شخصية العبد لله

كافيتيريا والي .. و القهوة المركّزة و سهر حتى السابعة صباحاً فوق أكوام الورق الأبيض مع صوت أم كلثوم المثابر ..

مكتبة الشروق و مكتبة عمرو و الإحساس بالمديونية العلمية و الماديّة دوماً

كليّة الصيدلة بمبانيها الجديد و القديم و لن يكون الحديث عن الدراسة في مدونتي العزيزة

جرين بلازا – فندق هايد بارك – قلعة قايتباي – كوبري ستانلي – مكتبة الاسكندرية !!

مكتبة شانديل و كافيه جوهرة سموحة ..! الماء و النار دوماً و لحظات الانتظار و لحظات الانتصار و لحظات الانكسار

طاهر و حسام حلمي و مهاب و فوزي و جيمي و بودي سالم و أبو شامة و يونس و البنا و حماد و عمرو و شوكت و العديد من الأصدقاء .. تعمّدت عدم ذكر اسم عاصم عبد الحليم و خوليو لانه لايصح ذكره في مقال للاسكندرية التي أعرفها .. لقد تربّيت مع عاصم على نفس الفراش

ساعة لقلبك و نهائيات كروية مبهجة ..

مقهى السلطان بهلول و الدوري الأسباني و قهوته الرديئة

رابطة مشجّعي الأهلي قطعاً .. اجتماعات و رحلات و دخلات و حب الأهلي الحقيقي دوماً

سينما أمير – رينيسانس و حفلات منتصف و بعد منتصف الليل ..

أهلي فوريفر .. عماد و أيمن حسنين و صلاح بدرة و الملتيميديا كما يجب أن تكون ..

أسبسا و مجالاتها ..

الشجاع الأقرع و البلاي ستيشن و انتصارات متتالية

شقة كامب شيزار و عم وجيه و المسجد صاحب السلّم الطويل

سايبر أستاذ محمد و اللون الأزرق لمصابيحه و التكييف المفتوح طالما كان باب السايبر مفتوحاً ! و الساعات المنقضية

سفر ... سفر .. سفر ... و الحاج محمود حشّو و الحاج ابراهيم ..!

شقة الجامعة و محيي اللص و معنى أن تنجز المهمّات على أكمل وجه ..

زيارات المدينة الجامعية الخاطفة ..

خمس سنوات تركت علامات ضخمة أعتز بها دوماً ... ليت الشباب يعود يوماً لأتذوق طعم الإسكندرية التي أعرفها !!

دندنة مع الأستاذ الجليل

أحمد غلوش .. أكيد سمع كلمة إنت خسارة في البلد دي كتير .. و بالتالي لو قلتهاله مش هضيف ..!

أستاذ علم البيولوجي و صديقي العزيز يجيد العزف على العود كإجادته للغتنا العربية و عمر صداقته مع العود يبلغ عمر طالب في الصف الأول الثانوي حتى تاريخ كتابة هذه النوت .. من الأكيد أن هذا الأستاذ الجليل هو مثال حيّ لظلم بلدنا العزيز مصر لمواهب صارخة ! هذه الأيام أستمتع بالجلوس معه على تلك الكافيتيريا ذات نفس النسكافيه المميز .. أعشق وقتي معك يا أستاذنا الجليل و أترك لقارئي العزيز مقطوعة دندنة أفسدها صوت العبد لله

http://www.4shared.com/file/132387238/d7cfacd0/El-7elwa_with_MrGhalwash.html